أنا آسف يا اغلى شخص حبيته

كثير اللي تمناني وطلب ودي ولاجيته

ازعلهم وابكّيهم واراضي منهو اشقاني

انا باندم على خلن رجاني حب وخليته

ولا باندم على منهو رجيته حب وخلاني

صحيح الوقت ياصاح يبيّن كل ما اخفيته

وانا كلي غلا اعطيت وبالجرح تجزاني

انا من وقت ما شفته وعشقته حيل وحبيته

فديته غالي العمر وملك قلبي ووجداني

عطيته وما حسبت حساب جروحه وتحاليته

وقلت الله على خلي هدية ربي وجاني

ما دام الغدر إسلوبك وحبي لك تناسيته

دخيلك امسح ارقامي واسمي وعنواني

انا مالي بحب أبكم جيته وكم ترجيته

طلبته يقول احبك بس ولكنه تناساني

غريبه دنيتي والله غريب الحزن عانيته

غريبه حلمي يتحطم وعمري كله اعاني

انا الطيبه من عيوبي وصدقي طفل ربيته

وعلمته على الاخلاص لكل إنسان ماشاني

خساره ما بدر مني لكل إنسان رديته

خساره ليتني فكرت قبل اختار خلاني

أنا آسف..أنا آسف يا اغلى شخص حبيته

ابرحل واترك العالم واعيش الفرحه ثواني

ابرحل في سما عشق ٍ بكل إحساس ناديته

وابرحل عن عيون الناس وعن حبنٍ نساني